وش حيلة الي خله اليوم ناسيه

مساء الخير على كل متابعيني من صغيركم لكبيركم لأنكم انتم الدعم الوحيد لي ولمدونتي ومدونتي بدون تواجدكم مو حلوه (فديتكم)

 الدنيا بكاملها مايمر يوم الى فيه مشاكل على كل بيت على كل اسره على كل شخص بالتحديد

ومن اشهر المقولات  الذي قالها سوامي فيفيكاناندا  قال (في اليوم الذي لا تواجه فيه أية مشاكل تأكد أنك في الطريق الغير صحيح) 

وانا اكذب عليكم ان قلتلكم مو مشكله كانت مشكله بيني وبين نفسي وبلحظات جاني شعور مادري كيف اوصفه لكم بس كتبت ذي الكلمات وانا ترا مو شاعر بس تقدرون تقولون شاعر مواقف يعني مااتصنع الشعر مابي اطيل عليكم بتركم مع الأبيات

وش حيلة الي خله اليوم ناسيه

مدري يجافي ولا قصده مماتي

دايم يعذبني وانا دوم مرضيه

حتى حياتي في ادينه حلالي

يقوى الهجر ومدري من مجفيه

هل يترى حل واحد مكاني

لاكن حبيبي قاطع العهد وحاميه

ويعطي عهد لين يبقى مكاني

حب الحبيب اليوم مشكك (ن) فيه

مدري يطيع العواذل ولا يجافي

قلبه صغير(ن) وحبه الأول وتاليه

في كف صقار(ن) فوق السحابي

ماني بشاعر لاكن اليوم بكويه

بابيات شعر(ن) تنكتب من كياني

قلبي رهيف وميتحمل طواريه

بسباب جرح(ن) في خفوقي زماني

حلو الحياه اليوم في عز تاليه

ومر الحياه اليوم مبدى زماني

وارماح في جوفي من تالي مواطيه

غلطة زماني يوم ابديت راي

لابد تسكت عن خلك وخطاويه

وتعطيه قلب(ن) لو على حساب ثاني

لجل الوفى اليوم تحيي خطاويه

تخسر صديقن لجل انسان ثاني

لجل تثبتله انك اليوم مغليه

لازم تجيب من الدواوين قاصي

خايف من الآيام بيوم ترميه

ويبقى اسير(ن)في كفوف الشمالي

حبه اسر قلبي وماني مجافيه

بس الحواس اليوم ماهي سواسي

كذب عليه الوقت تالي تواليه

وصدق كلام(ن)يهز الكياني

يقول اني انا اليوم مجافيه

واضحك واسولف وناسي كلامي

ربي عظيم وعارف اني اواسيه

وماني من الي يجفي معه لو ثواني

حاضر على قلبي حبيبي ومغليه

يطلب طلب واعطيه باقي حياتي

واقولها في تالي الوقت وماضيه

حب الحبيبه هز باقي كياني

هذا قدر ربي وما اعترض فيه

والله يصبرني لباقي حياتي

..{من عبق كلماتي آيمون