حل الفراق

هي المشاعر هي الإحساس هي كل شيء في حياتي نعم انها امي هي حبيبتي الوحيده التي لن يكررها القدر ربي يحفظها لي ويجعل يومي قبل يومها يارب

اليوم سمعت الإنشودة الي اذكرها لمى كنت صغير انشودة رائعه عن ولد فقد امه واكيد اغلبكم عارفها اخليكم مع الكلمات وانصحكم
تسمعونها من هنا

اظغط هنا للإستماع

حل الفراق ودمع عيني نثر ماه
واللي مقدر مالنا فيه حيله
يوم الخميس الصبح يا كود ذكراه
أمٍ حنون بالعيون الجميله
ودعتها ويا صعب عيشي بلا اياه
يا صعب لو ودع خليل خليله
يا صعب نومي لو غشى القلب طرياه
بس اتقلب والهواجس مخيله
كم من صباح قرت العين وياه
نأخذ ونعطي والسوالف تجيله
لو كثرت الأشغال ملزوم ننصاه
له رغبةٍ يوم الخميس نجيله
من حبها تنسى مواجع تخشاه
لا أجتمعنا كنها ما تشيله
تنشد عن الأحوال والهم تنساها
ما كنها تشكي رجولٍ عليله
ياما سهرت بالليل والنوم ما جاه
قامت شهور نومها ما يجيله
لكن فجعنا بالضحى يوم فرقاه
صبح ملك الموت جاها يشيله
ضاق علينا كيف وشلون ننعاه
تبدلت بأحزان وأول جميله
ودعتها وقبلت فمي شفاياه
منساك يا وجه عيونه كحيله
غطيت أنا وجهه وحجبت رؤياه
أخشى عليهم من فواجع مهيله
ضربت أنا الهاتف على أخوي لنداه
جانا كما برق سهابه هطيله
جانا يصيح ومسرع السير بخطاه
جانا وهو يركض ويرفع شليله
قال:الخبر قلت:أنظر البيت وش جاه
تسمع صراخه والنواظر هميله
لا شك فات الفوت والكل ما امداه
حتى ايش ولو صاحوا ونادوا فقيده
واليوم راحت وا عذابي بلياه
حكم القدر لا شك مرضى بديله
يالله عسى قبره يفسح بسكناه
اللي انزلوه فيه بليله فضيله
يالله عسى الجنه مقره ومثواه
عساها بالفردوس ربي نزيله
يالله عسى كتابه تشيله بيمناه
تسعد سعاده والمواقف مهيله
واحمدك يا ربي كثيرٍ عطاياه
يأخذ ويعطي والعطايا جزيله
أخذتها في حال تحمد سجاياه
الروح فاضت وما شعرنا بشيله
وختامها صلوا على من تبعناه
محمد المختار راعي الفضيله

 ----

ياكثر مانذكر من الناس غالين تحت الثرى ماعاد فيهم رجوعي

يارب ترحم كل ام تحت الثرى وتحفظ  كل ام موجوده وعايشة 

اتمنى اني ماطولت عليكم اترك لكم التعليق